Кулгингиз...
Қалбим самосида берганда садо
Ором берур дилга қувонч нафаси
Қаро зулматимни парчалаб буткул
Жон қушин тарк этгай қайғу қафаси.
Севгингиз...
Узилай деб турган япроққа умид
Айлагай мурувват, хазон бўлгунча
Ишқи шабнам ила қонган меҳрингиз
Қуриган бутоқда ундиргай ғунча
Рашкингиз...
Ўчаётган чўғга пуркалган ҳаво
Мудраётган ҳислар бўлгайдир сергак
Вафо, сенинг билан мустаҳкам, абад
Икки қирғоқ учун тикланган кўприк.
Комментариев нет:
Отправить комментарий